కేశవ నామాలు అనేవి మహా విష్ణువు నామాలు. ఇవి పూజ మొదలు పెట్టినప్పుడు ఒక్కొక్క పేరు చదువుతూ కుంకుమ లేదా పువ్వులతో లక్ష్మీనారాయణులని అర్చిస్తూ చేస్తారు.
ఈ నామాలని రెండు విధములుగా ఉపయోగించడం జరుగుతుంది.
ఈ పూజా విధానంలో మొత్తం 24 నామాలు ఉన్నాయి.
సంధ్యా వందనము సందర్భంలో మొదటి 12 నామాలని మాత్రము చదువుతాము. అంటే గాయత్రి మంత్ర జపము చేసే ముందు ఆచమనం అవీ చేశాక విష్ణు యొక్క మొదటి 12 కేశవా నామాలని ఉఛ్ఛరించి ఆ తర్వాత సూర్యునికి నమస్కరించడము, గాయత్రీ దేవిని ఆహ్వానించడము జరుగుతాయి. ఇది కేశవ నామాల మొదటి ప్రయోజనము.
రెండో ప్రయోజనము ఏమిటంటే విష్ణు పూజ చెయ్యడము. మొత్తం 24 నామాలని పలుకుతూ ప్రతీ నామానికి కాస్త కుంకుమ లేదా ఒక పుష్పం దేవునికి సమర్పించడం జరుగుతున్నది. విష్ణువుని స్మరిస్తూ కుంకుమ, పుష్పాలు లేక పోయినా వట్టినే ఈ 24 నామాలు జపించినా చాలు. మన హృదయం లోని భక్తే ప్రధానము.
కేశవ నామాలు జపించాక "శాంతాకారం భుజగశయనం ... " చదువుకుని అప్పుడు లక్ష్మీదేవి స్తోత్రాలు కూడా చదువుకోవాలి.
24 కేశవనామాలు
- ఓం కేశవాయ నమః
- ఓం నారాయణాయ నమః
- ఓం మాధవాయ నమః
- ఓం గోవిందాయ నమః
- ఓం విష్ణవే నమః
- ఓం మధుసూదనాయ నమః
- ఓం త్రివిక్రమాయ నమః
- ఓం వామనాయ నమః
- ఓం శ్రీధరాయ నమః
- ఓం హృషీకేశాయ నమః
- ఓం పద్మనాభాయ నమః
- ఓం దామోదరాయ నమః
- ఓం సంకర్షణాయ నమః
- ఓం వాసుదేవాయ నమః
- ఓం ప్రద్యుమ్నాయ నమః
- ఓం అనిరుద్హాయ నమః
- రోజూ ఓం పురుషోత్తమాయ నమః
- ఓం అధోక్షజాయ నమః
- ఓం నారసింహాయ నమః
- ఓం అచ్యుతాయ నమః
- ఓం జనార్దనాయ నమః
- ఓం ఉపేంద్రాయ నమః
- ఓం హరయే నమః
- ఓం కృష్ణాయ నమః
ఈ 24 నామాలని నేను రోజూ పూజ చేసుకునేటప్పుడు ముందుగా మాతృ వందనం , ఆచార్య వందనం చదువుకున్నాక ఉచ్చరిస్తూంటాను. ఆయా తర్వాత శాంతాకారం మొదలయినవి చదువుకుంటాను.
కామెంట్‌లు లేవు:
కామెంట్‌ను పోస్ట్ చేయండి